martes, 15 de agosto de 2017

Carta de Ramón Cabanillas 16



Cabanillas escribe a Enrique Peinador dándolle conta dos apoios reunidos para promover a súa candidatura como representante do idioma galego na Academia Española.

Cambados 27-11-1927

Sr. D Enrique Peinador
 
Mi querido Enrique:

Hoy estuvo aquí Millán de regreso de Santiago, en donde firmaron Amor Ruibal, Portela Pazos, Cadarso, Novoa Santos, etc.

Lo pasmoso es que Cotarelo firmó también, que le hizo a Millán un elogio mío estupendo y que le dijo que pasado el día 10, en que seríamos elegidos, pondría especial empeño en mostrarme toda su correspondencia referente al asunto, que demostraba plenamente que mi candidatura no tuvo más entusiasta panegirista que él.

Bueno: todo ello es para contar con calma.

Mañana 28, Millán entregará el pliego a Raymundo para que este lo remita a Madrid.

Mi impresión ahora es optimista: aquí, en donde han procurado enterrarme por todos los medios, tienen la seguridad del triunfo. Ya no sé qué pensar…

Te abraza tu más devoto amigo

Ramón


Con toda probabilidade, Cabanillas está a falar de Isidoro Millán (1), político e amigo de vello do poeta, quen participou activamente na promoción da candidatura.

Isidoro Millán acudiu a Compostela para recadar as sinaturas de Ángel Amor Ruibal (2), Salustiano Portela Pazos (3), Alejandro Rodríguez Cadarso (4) e Roberto Nóvoa Santos (5), entre outros.

O outro representante da lingua galega elixido como membro da Academia foi Armando Cotarelo Valledor, quen competiu co poeta pola designación e, sorprendentemente a xuízo de Cabanillas, dixo ter actuado en prol da candidatura do cambadés.

O proceso de elección foi convulso e como proba diso destaca a última afirmación: aquí, en donde han procurado enterrarme por todos los medios, tienen la seguridad del triunfo.

Os amigos de Cabanillas – Marqués de Figueroa, Sánchez Cantón, Isidoro Millán – foron máis poderosos que os detractores, os cales mesmo chegaron a argallar unha campaña pública para impedir a elección.

A persoa designada para entregar o prego de apoio en Madrid foi Raimundo Riestra (6).

(1)  Isidoro Millán Mariño (Pontevedra, 1890 – 1983). Deputado polo Partido Republicano Liberal Demócrata e xornalista.
(2)  Ángel María José Amor Ruibal (Barro, 1869 – Compostela, 1930). Cóengo da catedral de Compostela, teólogo, lingüista e historiador.
(3)  Salustiano Portela Pazos (Cotobade, 1877 – Compostela, 1976). Cóengo da catedral de Compostela e historiador.
(4)  Alejandro Rodríguez Cadarso (Noia, 1887 – Lubián, 1933). Médico e deputado pola ORGA. Reitor da USC.
(5)  Roberto Nóvoa Santos (A Coruña, 1855 – Compostela, 1933). Médico e profesor universitario.
(6)  Raimundo Riestra Calderón (Pontevedra, 1882 – A Toxa, 1967). Segundo marqués de Riestra. Deputado, banqueiro, subsecretario do goberno e director do xornal La Correspondencia Gallega.

martes, 1 de agosto de 2017

Carta de Ramón Cabanillas 15



Entre a última carta dirixida por Cabanillas a Enrique Peinador e esta, escrita desde a súa casa de Cambados en 1927, media case un ano, tempo no cal o poeta residiu en Mondariz onde traballou como empregado do balneario.

Sr. D. Enrique Peinador

Querido Enrique:

Ayer me eché a dormir muy tranquilo, pero a la una de la mañana, hora a que se conoció la noticia, me hicieron levantar de cama los villagarcianos y los cambadeses.
El ruido de las bombas movió un poco el vecindario, pero la noche estaba tan mala que aunque se iluminaron las ventanas, el entusiasmo fue tras cristales por temor a la pulmonía.

Bueno. Tiempo era de salir de esta preocupación.

Las votaciones parece que fueron bastante movidas.

La primera noticia creo que la recibió Isidoro Millán por un telegrama urgente del Marqués. “Galicia nueva” de Villagarcía la alcanzó a las 12 y ¼ por una conferencia con Coruña. Estuvieron aquí Lafuente, Paratcha y otros amigos, que se marcharon a las 4 de la madrugada.

Yo preciso ir el lunes.

El 17 sale mi hijo de África. El de Coruña marchó ayer.

Te abraza tu buen amigo, con recuerdos a todos.

Ramón
Cambados, 11 de Marzo 1927

Cando o 10 de marzo de 1927 estouraron os foguetes sobre a ría de Arousa, os veciños celebraban a elección de Ramón Cabanillas como membro da Academia Española da Lengua en representación do idioma galego. O poeta accedeu ao posto xunto con Armando Cotarelo Valledor, e a elección foi impulsada polo académico marqués de Figueroa (1) e por Francisco Javier Sánchez Cantón (2).

Non obstante e como indica Cabanillas coa frase: “las votaciones fueron bastante movidas”, non todos os académicos apoiaron a candidatura e mesmo houbo campañas públicas en contra da designación, pero a presión dos valedores achanzou o camiño procurando apoios entre os intelectuais madrileños.

Pouco antes da elección, Cabanillas deixou o balneario para celebrar o éxito xunto coa familia e os seus paisanos en Cambados, onde chegou a nova por medio do marqués de Figueroa, quen informou do nomeamento ao líder do partido Liberal Demócrata da provincia de Pontevedra, Isidoro Millán (3), vello amigo do poeta. 

Entre os compañeiros que visitaron a Cabanillas esa noite, o poeta cita a Vicente Gómez Paratcha, membro das Irmandades da Fala e xornalista, fundador da “Agencia Arosa”.

Por último, o poeta alude á mobilización de dous dos seus fillos, enrolados no exército expedicionario de África. Cabanillas tivo sete fillos; tres mulleres e catro homes, e pola data en que foi redactada a carta é probable que o poeta estea a referirse a José Joaquín, quen foi funcionario de Abastos e falanxista de primeira hora, e Joaquín Ramón, morto prematuramente con 25 anos como consecuencia dun accidente padecido na milicia.

(1)  Juan Francisco Armada Losada. (Madrid, 1861 – Figueroa (Abegondo), 1932). Académico da Lengua Española, escritor, xornalista, deputado e ministro en varias carteiras entre 1904 e 1909.
(2)  Francisco Javier Sánchez Cantón. (Pontevedra, 1891 – 1971). Director do Museo do Prado e membro das Academias de Belas Artes e da Historia. Impulsor do museo de Pontevedra.
(3)  Isidoro Millán Mariño. (Pontevedra, 1890 – 1983). Deputado e líder do partido Republicano Liberal Demócrata na provincia de Pontevedra. Exerceu como avogado e xornalista.